ரஷ்யாவில் கொரோனா வைரஸ் (கொவிட்-19) பெருந்தொற்றினால், கடந்த 24 மணித்தியாலத்தில் மட்டும் ரஷ்யாவில் 18ஆயிரத்து 648 பேர் வைரஸ் தொற்றினால் பாதிப்படைந்ததோடு, 335பேர் உயிரிழந்துள்ளதாக, ரஷ்யாவின் கொரோனா வைரஸ் நெருக்கடியை கண்காணிக்கும் மையம் தெரிவித்துள்ளது.

கொவிட்-19 தொற்றினால் அதிக பாதிப்பை எதிர்கொண்ட நான்காவது நாடாக விளங்கும் ரஷ்யாவில், இதுவரை மொத்தமாக 16இலட்சத்து 73ஆயிரத்து 116683பேர் பாதிக்கப்பட்டுள்ளனர். 28ஆயிரத்து 828பேர் உயிரிழந்துள்ளனர்.

மேலும், கொரோனா வைரஸ் தொற்றுக்கு இலக்கான மூன்று இலட்சத்து 93ஆயிரத்து 494பேர் மருத்துவமனைகளில் சிகிச்சை பெற்று வருகின்றனர்.

இதுதவிர ரஷ்யாவில் வைரஸ் தொற்றினால் பாதிக்கப்பட்டவர்களில் 12 இலட்சத்து 51ஆயிரத்து 364பேர் பூரண குணமடைந்து வீடு திரும்பியுள்ளனர்.