anchor dd latest saree photoshoot : பிரபல தொகுப்பாளினி திவ்யதர்ஷினி என்கிற டிடி, அழகிய புடவையில் அசத்தலாக போஸ் கொடுத்துள்ள புகைப்படங்களை தனது இன்ஸ்டாகிராம் பக்கத்தில் பகிர்ந்துள்ளார். இந்த புகைப்படங்கள் தற்போது இணையத்தில் ரசிகர்களின் கவனத்தை ஈர்த்து, லைக்குகளை குவித்து வருகின்றன.

தொகுப்பாளினி டிடி

தமிழ் சின்னத்திரையில் முன்னணி தொகுப்பாளினியாக வலம் வரும் டிடி, தனது கலகலப்பான பேச்சு மற்றும் இயல்பான அணுகுமுறையால் தனக்கென தனி ரசிகர் பட்டாளத்தை உருவாக்கியுள்ளார்.

சின்னத்திரை மட்டுமின்றி ‘விசில்’, ‘பவர் பாண்டி’, ‘சர்வம் தாளமயம்’, ‘காபி வித் காதல்’ உள்ளிட்ட படங்களிலும் நடித்துள்ளார்.

சமீபகாலமாக உடல்நலப் பிரச்சினைகளால் தொலைக்காட்சி நிகழ்ச்சிகளில் அதிகம் தோன்றாத டிடி, தற்போது வெளியிட்டுள்ள புகைப்படங்களில் புடவையில் ஸ்டைலிஷாக போஸ் கொடுத்துள்ளார்.

புகைப்படங்களை பார்த்த ரசிகர்கள், “இவருக்கு மட்டும் வயதே ஆகாதா?” என வியப்புடன் கருத்து தெரிவித்து வருகின்றனர். அவரது அழகை பாராட்டி ஏராளமான லைக்குகளும் குவிந்து வருகின்றன.