நவகிரகங்களின் தலைவனான சூரியன், மீன ராசியில் சஞ்சரித்து வரும் ராகுவுடன் எதிர்வரும் (14.03.2024) ஆம் திகதி இணைய உள்ளார்.

இதனால் சில ராசியினருக்கு பிரச்னைகளை தரக்கூடிய காலமாக அமையப் போகிறது.

ஆத்ம காரகன், நவகிரகங்களின் தலைவன் என அழைக்கப்படக்கூடிய சூரிய பகவான் மாதம் ஒரு முறை ஒரு ராசியிலிருந்து மற்றொரு ராசிக்கு மாறுவது வழக்கம்.

அந்த வகையில் சூரியன் மீன ராசிக்கு மாற உள்ளார். அங்கு சர்ப்ப கிரகம், நிழல் கிரகமான, கொடிய எண்ணங்களைத் தரக்கூடிய ராகு பகவானுடன் சேரும் போது கிரகண யோகம் உருவாக உள்ளது.

இதனால் அடுத்த ஒரு மாத காலம் சில ராசியினர் மிகவும் கவனமாக இருக்க வேண்டும்.

சிம்மம்

சிம்ம ராசி அதிபதியான சூரியன், மீன ராசியில் ராகுவுடன் சேர்ந்து சஞ்சரிக்க உள்ளார்.

இதனால் பங்குனி மாதத்தில் சிம்ம ராசியினர் ஆரோக்கியம் தொடர்பான விஷயங்களில் எச்சரிக்கையாக இருக்கவும். சிறு உடல்நல பிரச்னைகளையும் அலட்சியப்படுத்த வேண்டாம்.

சூரியன் - ராகுவின் சேர்க்கையானது தேவையற்ற செலவுகளை செய்ய தூண்டும். அதனால் நிதி நிலையை சமாளிக்க போராடுவீர்கள்.

உங்கள் செலவுகளை கட்டுப்படுத்தவும். புதிய வணிக ஒப்பந்தங்களில் கவனம் தேவை.

திருமண வாழ்க்கையில் துணையுடன் கருத்து வேறுபாடு உருவாகும்.

துலாம்

துலாம் ராசிக்கு சப்தம ஸ்தானமான மீனத்தில் சூரியனும், ராகுவும் இணைவது சாதகமான பலன்களைத் தராது.

உங்களின் நண்பர்கள், துணையின் ஆதரவு கிடைக்காது. நன்றாக பழகியவர்களே பிரச்னை அல்லது துரோகம் செய்ய வாய்ப்புள்ளது.

தேவையற்ற பேச்சு, செயலில் ஈடுபட வேண்டாம். கூட்டாக செய்யக்கூடிய வியாபாரம், தொழிலில் நெருக்கடிகளை, கோபத்தை சந்திக்க நேரிடும்.

உங்களின் குடும்பம், தொழில் வாழ்க்கையில் பல சிக்கல்களை சமாளித்து முன்னேற வேண்டியது இருக்கும்.

கும்பம்

சூரியன் மற்றும் ராகுவின் சேர்க்கையானது கும்ப ராசி 2ம் வீடான தன ஸ்தானத்தில் நடக்கிறது.

இதன் காரணமாக உங்களின் நிதிநிலைமையை பராமரிப்பதில் பிரச்னை ஏற்படும். தேவையற்ற செலவுகள் அதிகரிக்கும்.

அதோடு உங்கள் மீது வீண் பழி ஏற்படும். உத்தியோகஸ்தர்கள் சக ஊழியர்களால் பிரச்னைகளை சந்திக்க நேரிடும்.

உங்களின் குடும்ப தகராறு, தேவைகளை தீர்ப்பதில் மனம் அமைதியற்றதாக இருக்கும்.

மீனம்

மீன ராசியை சேர்ந்தவர்களுக்கு சூரியன் மற்றும் சனியின் சேர்க்கையானது பண வருவாயில் தடை ஏற்படுத்தும்.

உங்கள் பேச்சு, செயலில் நிதானம் தேவை. தேவையற்ற விவாதங்களிலிருந்து விலகி இருக்கவும்.

நீங்கள் செய்யக்கூடிய முதலீடு விஷயங்களில் துறை நிபுணர்களின் நல்ல ஆலோசனை பெற்ற பின்னர் செய்யவும்.

உங்களின் ஆரோக்கியம் மற்றும் குடும்ப உறுப்பினர்களின் ஆரோக்கியத்தில் கூடுதல் கவனம் தேவை. சமூகத்திலும், உங்கள் வேலையிலும் சவால்களை சந்திக்க நேரிடும்