தினமும் ஒரு  மாம்பழம் சாப்பிட்டால் கிடைக்கும் நன்மைகளைக் குறித்து இந்த பதிவில் தெரிந்து கொள்வோம்.

முக்கனிகளில் ஒன்றாக இருக்கும்  மாம்பழத்தை, அந்தந்த சீசனுக்கு கட்டாயம் சாப்பிட்டு வருவார்கள். இனிப்பு சுவை அதிகமாக கொண்ட மாம்பழத்தினை பெரியவர்கள் முதல் சிறியவர்கள் வரை அனைவரும் விரும்பி சாப்பிடுகின்றார்.

ஒரு மாம்பழத்தில் வைட்டமின் சி, ஏ, பி6, நார், தாமிரம், பொட்டாசியம் மற்றும் குறைந்த கொழுப்பு உள்ளதால், முழுமையான ஊட்டச்சத்து கிடைக்கின்றது.

மேலும் பல சத்துக்களைக் கொண்ட மாம்பழத்தினை தினமும் எடுத்துக் கொண்டால் கிடைக்கும் நன்மைகள் தொடர்ந்து தெரிந்து கொள்ளலாம்.

மைாம்பழத்தில் இருக்கும் பீட்டா கரோட்டின் மற்றும் வைட்டமின் சி சருமத்தை பிரகாசமாக வைத்துக் கொள்வதற்கு உதவுகின்றது.

மேலும் இதில் அமிலேஸ் எனப்படும் நொதிகள் மற்றும் நார்ச்சத்து செரிமானத்தை மேம்படுத்துகின்றது. இதிலுள்ள வைட்டமின் சி உடலை வலுப்படுத்துகின்றது.

வைட்டமின் ஏ மற்றும் லுட்டீன் போன்ற பொருட்கள் கண்களுக்கு தேவையான பாதுகாப்பை வழங்குகின்றது.

இதிலிருக்கும் இயற்கையான இனிப்பு நாருடன் கலந்ததால், பசியை சமநிலைப்படுத்தி வெறுமனே அதிகம் சாப்பிடுவதைத் தடுக்கின்றது.

மாம்பழத்தில் இருக்கும் போலேட் மற்றும் வைட்டமின்கள் முடியை வலுப்படுத்துவதுன், இதிலுள்ள இயற்கை கார்போஹைட்ரேட் மூலம் உடம்பிற்கு தேவையான சக்தியை அளிக்கின்றது.