இந்த நவீன யுகத்திலும் கூட ஆண்களையும், பெண்களையும் ஒப்பிடுகையில் தனித்துவமான முடிவுகளை எடுப்பதிலும் சுதந்திரமான வாழ்க்கையை அமைத்துக்கொள்வதிலும் ஆண்கள் தான் முன்னிலை வகிக்கின்றார்கள் என்றால் மிகையாகாது.
ஆனால் ஜோதிட சாஸ்திரத்தின் அடிப்படையில் குறிப்பிட்ட சில ராசிகளில் பிறந்த பெண்கள் தங்களின் வாழ்க்கை தாங்களாகவே கட்டமைத்துக்கொள்ளும் ஆற்றல் கொண்டவர்களாகவும், தங்களின் சுதந்திரத்தை யாருக்காகவும் விட்டுக்கொடுக்காத இயல்புடையவர்களாகவும் இருப்பார்களாம்.
அப்படி பிறப்பிலேயே சிறந்த ஆளுமை பண்புகளுடன் தனித்து நிற்கும் அதிக சக்திவாய்ந்த பெண் ராசியினர் யார் யார் என இந்த பதிவில் பார்க்கலாம்.
ரிஷபம்
உலகத்து இன்பங்களுக்கு அதிபதியாக திகழும் சுக்கிரனின் ஆதிக்கத்தில் பிறந்த ரிஷப ராசியினர் தங்களின் வாழ்க்கையில் நீதி நேர்மைக்கு கொடுக்கும் அதே முக்கியத்துவத்தை தங்களின் சுதந்திரத்துக்கும் மகிழ்சிக்கும் நிச்சயம் கொடுப்பார்கள்.
இவர்களிம் அபரிமிதமான தன்னம்பிக்கை நிச்சயம் இருக்கும். எவ்வளவு கடினமான சூழ்நிலையாக இருந்தாலும் அதனை அசால்ட்டாக கடந்து செல்லும் திறனை பிறப்பிலேயே கொண்டிருப்பார்கள்.
மற்றவர்கள் தங்கள் நம்பகத்தன்மையைத் தக்க வைத்துக் கொள்ள போராடினாலும், இவர்கள் விசுவாசத்தின் மறு உருவமாக இருப்பார்கள். இவர்கள் தங்கள் வாழ்வில் தனியாக நின்று முன்னேறும் ஆற்றல் கொண்டவர்களாக அறியப்படுகின்றார்கள்.
சிம்மம்
அனைத்து கிரகங்களுக்கும் அதிபதியாக திகழும் சூரியனால் ஈளப்படும் சிம்ம ராசி பெண்கள் தங்களின் தலைமைத்துவ குணங்களுக்கு பெயர் பெற்றவர்களாக இருப்பார்கள்.
எந்த சூழ்நிலையிலும் தன்னம்பிக்கையை விடாத இவர்களிக் குணமே இவர்களின் வெற்றிக்கு முக்கிய காரணமாக இருக்கும். இவர்கள் வாழ்வில் எல்லாவற்றையும் விட சுதந்திரத்துக்கும் சுய மரியாதைக்கும் அதிக முக்கியத்துவம் கொடுப்பார்கள்.
இவர்கள் யாருடைய உதவியும் இன்றி தங்களின் சொந்த முயற்ச்சியில் தான் வாழ்வில் முன்னேறிச்செல்ல வேண்டும் என்பதில் உறுதியாக இருப்பார்கள்.
மேஷம்
மேஷ ராசியில் பிறந்தவர்கள் தங்களின் துணிச்சலுக்கும் நம்பிக்கைக்கும் பெயர் பெற்றவர்களாக இருப்பார்கள் இவர்கள்
இவர்கள் வாழ்க்கைக்கு சரியான முடிவுகளை இவர்களே எடுக்க வேண்டும் என்பதில் உறுதியாக இருப்பார்கள். இவர்களிடம் பனைப்பவர்களுக்கு வாழும் போதே நரகத்தை காட்டிவிடும் அளவுக்கு இவர்கள் பலம் வாய்ந்தவர்களாக இருப்பார்கள்.
பெண் என்றால் இப்படித்தான் இருக்க வேண்டும் என்று சொல்லும் அளவுக்கு இவர்களின் நடத்தை மற்றும் தைரியம் மற்றவர்களை வியக்க வைக்கும்.
