ஒருவருடைய பிறப்பு ராசி மற்றும் நட்சத்திரமானது அவர்களின் எதிர்கால வாழ்க்கை, பொருளாதாரம், காதல், தொழில், விசேட ஆளுமைகள் உட்பட அவர்களின் நேர்மறை, எதிர்மறை குணங்களில் நேரடியான தொடர்பை கொண்டிருக்கும் என ஜோதிட சாஸ்திரம் குறிப்பிடுகின்றது.

அந்தவகையில், குறிப்பிட்ட சில ராசிகளில் பிறந்தவர்கள் இயல்பாகவே அன்பானவர்களாக இருப்பார்களாம். இவர்களுக்கு துரோகம் செய்தவர்களை கூட எளிதில் மன்னித்துவிடும் குணம் கொண்டவர்களாக இருப்பார்கள்.

அப்படி 12 ராசிகளில் நிபந்தனையற்ற வகையில், பதிலுக்கு எந்த எதிர்ப்பார்ப்புகளும் இன்றி அன்பு காட்டுவதில் பெயர் பெற்ற ராசியினர் யார் யார் என இந்த பதிவில் பார்க்கலாம்.

கடகம்

அன்பின் கிரகமான சுக்கிரனால் ஆளப்படும் கடக ராசியினர் இயல்பாகவே அதிக கருணை உள்ளம் கொண்டவர்களாக அறியப்படுகின்றார்கள். 

இவர்கள் மற்றவர்களை மனதளவில் கூட காயப்படுத்தும் எந்த விடயங்களையும் செய்யவே மாட்டார்கள். தங்களை விமர்ச்சிப்பவர்களை கூட சிறிய புன்னகையுடன் கடந்து செல்லக்கூடிய ஒரு அரிய குணம் இவர்களிடம் இயற்கையாகவே இருக்கும்.

இவர்கள் தங்களின் அன்புக்குரியவர்களுக்காக எதையும் செய்ய தயாராக இருப்பார்கள். குறிப்பாக இவர்கள் அன்பு காட்டுபவர்கள் பதிலுக்கு இவர்கள் மீது அன்பு காட்ட வேண்டும் என்று ஒருபோதும் எதிர்ப்பார்க்க மாட்டார்கள். 

மீனம்

மற்றவர்கள் மீது அளவற்ற அன்பை பொழிவதிலும், கற்பனை உலகில் வாழ்க்கை நடத்துவதிலும் பெயர்பெற்றவர்கள் என்றால் அது நிச்சயம் மீன ராசியினர் தான். 

இவர்கள் அதிக பச்சாதாபம் கொண்டவர்களாகவும் மற்றவர்களின்  உணர்வுகளையும், தேவைகளையும் சொல்லாமலேயே புரிந்துக்கொண்டு உதவி செய்யும் குணம் கொண்டவர்களாகவும் இருப்பார்கள்.

இவர்கள் செய்யும் உதவியாக இருந்தாலும் சரி, காட்டும் என்பாக இருந்தாலும் சரி அவை நிபந்தனைகள் அற்றதாகவே இருக்கும். பதிலுக்கு இவர்கள் எதையும் எதிர்ப்பார்க மாட்டார்கள்.

துலாம்

எப்போதும் இணக்கமான சூழலையும் சமாதானத்தை உருவாக்குவதில் பெயர் பெற்றவர்களாக துலாம் ராசியினர் அறியப்படுகின்றார்கள். 

இவர்களிடம் உதவியை பெற்றவர்களே இவர்களை கெட்டவர்கள் என விமர்ச்சித்தாலும் கூட எதை எளிதாக கடந்து செல்லக்கூடிய கருனை உள்ளம் இவர்களிடம் இருக்கும். 

இவர்கள் ஒருவர் மீது அன்பு வைத்துவிட்டார்கள் என்றால், இந்த அன்புக்கு எப்போதும் உண்மையாகவும், நேர்மையாகவும் நடந்துக்கொள்வார்கள். வாழ்வில் எத்தனை முறை துரோகத்தை சந்தித்தாலும் தங்களின் அன்பு காட்டும் குணத்தை ஒருபோதும் மாற்றிக்கொள்ள மாட்டார்கள்.