ஒருவரின் பிறப்பு ராசி மற்றும் நட்சத்திரமானது அவர்களின் எதிர்கால வாழ்க்கை, பொருளாதார நிலை, காதல் வாழ்க்கை, திருமண வாழ்க்கை, விசேட திறமைகள் உட்பட அவர்களின் நேர்மறை, எதிர்மறை குணங்களில் பெருமளவில் ஆதிக்கம் செலுத்தும் என நம்பப்படுகின்றது.

அந்தவகையில் குறிப்பிட்ட சில ராசிகளில் பிறந்தவர்கள் எவ்வளவு பெரிய பிரச்சினையையும் பேசிய சரிசெய்துவிடும் அசாத்திய பேச்சுதிறமை கொண்டவர்களாக இருப்பார்களாம். இவர்கள் பேசும் போது தவறுகள் கூட சரியோ என்று யோசிக்க தோன்றும்.

அப்படி வெறும் பேச்சாற்றலை வைத்தே வாழ்வில் வெற்றியடையும் ராசியினர் யார் யார் என இந்த பதிவில் பார்க்கலாம்.

மிதுனம்

பேச்சாலேயே மற்றவரை வசீகரிக்கவோ அல்லது மயக்கவோ கூடிய ராசிகளின் பட்டியலில் மிதுனம் தான் முதலிடம் வகிக்கின்றது.

பிறப்பிலேயே இரட்டை இயல்புக்கு பெயர் பெற்ற இவர்கள் சூழ்நிலைக்கு தகுந்தாற் போல் பேசுவதில் கில்லாடிகளாக இருப்பார்கள்.இவர்களின் வெற்றியின் இரகசியமே பேச்சாற்றலாகத்தான் இருக்கும்.

இவர்கள் மற்றவரை்களை தன்வசப்படுத்துவதற்கு அதிக முயற்சிகளை எடுப்பதில்லை இவர்களின் பேச்சாற்றலே போதும் யாரை வேண்டுமானாலும் தங்களின் கட்டுப்பாட்டுக்குள் கொண்டுவந்துவிடுவார்கள். 

துலாம்

துலாம் ராசிக்காரர்கள் மற்றவர்களுடன் சிறப்பான முறையில் தொடர்பு கொள்ளும் ஆற்றலை பிறப்பிலேயே கொண்டவர்களாக அறியப்படுகின்றார்கள். 

அவர்கள் பயன்படுத்தும் ஒவ்வொரு வார்த்தையும் கவனமாக தேர்ந்தெடுக்கப்படுகிறது, மேலும் அவர்களின் முகபாவங்கள் இவர்களை எப்போதும் சமநிலையில் வைக்க உதவுகின்றது.

இந்த ராசிக்காரர்கள் தங்களின் பேச்சாற்றலால் ஒவ்வொரு சூழ்நிலையையும் மிகவும் சாதுர்யமாக கையாள முடியும். அவர்களின் வார்த்தைகள் மற்றவர்களை ஆழமாக பாதிக்கின்றது. இவர்களின் பேச்சை கேட்டால் இவர்களுக்காக எதையும் செய்யலாம் என்ற எண்ணம் தானாகவே வந்துவிடும்.

கன்னி

கன்னி ராசியினர் இயல்பாகவே எந்த விடயத்திலும் நேர்த்தியையும், முழுமையையும் எதிர்ப்பார்க்கும் குணம் கொண்டவர்களாக இருப்பார்கள். அப்படிப்பட்ட இவர்களின் பேச்சு குறைகூறவே வாய்பு இல்லாத அளவுக்கு நேர்த்தியின் உச்சத்தில் இருக்கும்.

இவர்கள் எந்த விஷயத்தையும் ஆராய்ந்து, பகுப்பாய்வு செய்து, தொடர்பு கொள்ளும் குணம் கொண்டவர்களாக இருப்பார்கள். யாரும் ஒத்துக்கொள்ளாத விடயங்களை கூட இவர்களின் அசாத்திய பேச்சாற்றலால் எளிதில் வென்று விடுவார்கள். 

அவர்கள் பேசும் ஒவ்வொரு வார்த்தையும் மிகவும் துல்லியமாகவும் தெளிவாகவும் இருக்கும். இந்த ராசியினர் பேச்சுக்கு மயங்காதவர்கள் மிகவும் அரிது.