இதய ஆரோக்கியத்திற்கு ஆலிவ் எண்ணெய் அல்லது கடுகு எண்ணெய், இதில் எது அதிக நன்மை தரும் என்பதை தெரிந்துகொள்ளலாம்.
ஆலிவ் எண்ணெய்/கடுகு எண்ணெய்
சமையலறையில் பல எண்ணெய்கள் பயன்படுகிறது. அதில் ஆலிவ் எண்ணெய் இதய ஆரோக்கியத்திற்கு மிகச் சிறந்ததாகக் கருதப்படும் அதே வேளையில், கடுகு எண்ணெய் இந்திய சமையலின் ஒரு பாரம்பரிய அங்கமாக இருந்து வருகிறது.
இந்த நிலையில் இதய ஆரோக்கியத்திற்கு எந்த எண்ணெய் அதிக நன்மை தரும் என்ற கேள்வி எழுகிறது.
ஆலிவ் எண்ணெயின் நன்மைகள்
ஆலிவ் எண்ணெயில் ஒற்றை நிறைவுறா கொழுப்புகள், பாலிஃபீனால்கள் மற்றும் ஆன்டிஆக்ஸிடன்ட்கள் நிறைந்துள்ளன.
இந்த எண்ணெய் கெட்ட கொழுப்பைக் குறைக்கவும் நல்ல கொழுப்பை அதிகரிக்கவும் உதவக்கூடும். பல ஆய்வுகள் இதற்கும் இதய நோய் அபாயம் குறைவதற்கும் தொடர்பு இருப்பதாகக் கண்டறிந்துள்ளன.
கடுகு எண்ணெயின் நன்மைகள்
கடுகு எண்ணெயில் ஒற்றை நிறைவுறா கொழுப்புகளும், ஒமேகா-3 கொழுப்பு அமிலங்களும் உள்ளன. ஒமேகா-3 கொழுப்பு அமிலங்கள் உடலில் ஏற்படும் அழற்சியைக் குறைக்க உதவக்கூடும்.
இது இந்திய சமையல் மற்றும் பாரம்பரிய உணவுகளுக்கு ஒரு சிறந்த சேர்க்கையாகக் கருதப்படுகிறது. மேலும், இது சிக்கனமானது மற்றும் நீண்ட காலமாக இந்திய உணவின் ஒரு அங்கமாக இருந்து வருகிறது.
இதயத்திற்கு எந்த எண்ணெய் சிறந்தது?
அறிவியல் ஆராய்ச்சியின்படி, செக்கில் ஆட்டிய ஆலிவ் எண்ணெய் இதய ஆரோக்கியத்திற்கு மிகவும் நன்மை தரும் எனப்படுகின்றது.
இருப்பினும், குளிர் அழுத்த முறையில் பிழியப்பட்ட கடுகு எண்ணெயையும் மிதமான அளவில் பயன்படுத்தும்போது அது இதயத்திற்கு நன்மை பயக்கும்.
என்னென்ன விஷயங்களை மனதில் கொள்ள வேண்டும்?
எந்தவொரு எண்ணெயையும் மீண்டும் மீண்டும் சூடாக்குவது தீங்கு விளைவிக்கும்.
எண்ணெயில் ஆழமாகப் பொரித்த மற்றும் அளவுக்கு அதிகமாகப் பொரித்த உணவுகளை உட்கொள்வது இதய ஆரோக்கியத்திற்குத் தீங்கு விளைவிக்கும்.
ஆலிவ் எண்ணெய் அல்லது கடுகு எண்ணெய் என எதுவாக இருந்தாலும், எண்ணெயின் அளவைக் கட்டுப்படுத்துவது அவசியம்.
