சினிமாவில் பிரபலங்களின் வாரிசுகள் அறிமுகமாவது காலம் காலமாகத் தொடர்ந்து வரும் நிகழ்வுதான். ஆனால், பெற்றோரின் புகழைத் தக்கவைத்துக்கொள்வதுடன், தங்களுக்கென ஒரு தனி அடையாளத்தை உருவாக்குபவர்கள் வெகு சிலரே.
சிவரஞ்சனி மகள்
அந்த வகையில், விஜய், சூர்யா, தனுஷ் போன்றோர் தங்களது திறமையால் அடுத்த கட்டத்திற்குச் சென்றுள்ளனர். இந்நிலையில், தலைவாசல், சின்ன மாப்பிள்ளை உள்ளிட்ட படங்களில் நடித்து பிரபலமான நடிகை சிவரஞ்சனியின் மகள் மேதாமேகா தற்போது சினிமாவில் அறிமுகமாகவுள்ளார்.
அவர் நடிக்கவுள்ள தெலுங்குப் படத்தின் பூஜை நிகழ்ச்சிப் புகைப்படங்கள் வெளியாகி ரசிகர்களின் கவனத்தை ஈர்த்துள்ளன. புகைப்படங்களைப் பார்த்த ரசிகர்கள், அட, அப்படியே அம்மா சிவரஞ்சனி போலவே இருக்கிறாரே...என்று ஆச்சரியத்துடன் கருத்துத் தெரிவித்து வருகின்றனர்.
அம்மாவின் சாயலுடன் திரையுலகில் அடியெடுத்து வைக்கும் மேதாமேகா, தனது நடிப்பால் ரசிகர்களைக் கவர்ந்து தனக்கென ஓர் இடத்தைப் பிடிப்பாரா என்ற எதிர்பார்ப்பு தற்போது எழுந்துள்ளது.
