தீபாவளி என்றாலே பலகாரங்கள், இனிப்புகள் என வீடே களைகட்டும். இந்த ஆண்டு வழக்கமான இனிப்புகளுடன் வித்தியாசமாகவும் சுவையாகவும் ஏதாவது செய்ய நினைக்கிறீர்களா? அப்படியானால் அழகான இளஞ்சிவப்பு நிறத்தில் இருக்கும் ரோஸ் ரசமாலையை வீட்டிலேயே செய்து பாருங்கள்.

தேவையான பொருட்கள்:

• பால் – 1 லிட்டர்

• சர்க்கரை – ½ கப்

• ரோஸ் சிரப் – 3 மேசைக்கரண்டி

• எலுமிச்சைச் சாறு – 2 மேசைக்கரண்டி

• ஏலக்காய்த் தூள் – சிறிதளவு

• பாதாம், பிஸ்தா – தேவையான அளவு

• ரோஜா இதழ்கள் – சிறிதளவு

செய்முறை:

1. முதலில் பாலை நன்றாகக் கொதிக்க வைத்து, அதில் எலுமிச்சைச் சாறு சேர்த்து பாலைத் திரியச் செய்யவும்.

2. திரிந்த பாலை மெல்லிய துணியில் வடிகட்டி, தண்ணீரில் கழுவி நன்றாகப் பிழியவும்.

3. கிடைத்த பன்னீரை மென்மையாகப் பிசைந்து சிறிய உருண்டைகளாகத் தட்டி வைக்கவும்.

4. சர்க்கரை கலந்த கொதிக்கும் நீரில் இந்த உருண்டைகளைப் போட்டு 10 முதல் 12 நிமிடங்கள் வேகவைக்கவும்.

5. மற்றொரு பாத்திரத்தில் பாலைச் சுண்டக் காய்ச்சி, சர்க்கரை, ரோஸ் சிரப் மற்றும் ஏலக்காய்த் தூள் சேர்க்கவும்.

6. வேகவைத்த பன்னீர் துண்டுகளை மெதுவாகப் பிழிந்து ரோஸ் பால் கலவையில் சேர்க்கவும்.

7. இறுதியாக பாதாம், பிஸ்தா மற்றும் ரோஜா இதழ்களால் அலங்கரித்து குளிர்சாதனப் பெட்டியில் 2 முதல் 3 மணி நேரம் வைக்கவும்.

அவ்வளவுதான்! அழகான நிறத்திலும் ரோஜா மணத்திலும் சுவையான ரோஸ் ரசமாலை தயார்.

இந்த தீபாவளிக்கு உங்கள் வீட்டிலும் இந்த ரோஸ் ரசமாலையைச் செய்து குடும்பத்தினருடன் மகிழ்ச்சியாகக் கொண்டாடுங்கள்!