பொதுவாகவே நமது முன்னோர்களால் தொன்று தொட்டு பின்பற்றப்பட்டு வரும் பல விடயங்கள் வெறும் சாஸ்திர சம்பிரதாயங்கள் மட்டும் அல்ல, அதன் பின்னால் துள்ளியமான அறிவியல் இருப்பதாக தற்கால அறிவியலாளர்களால் ஏற்றுக்கொள்ளப்பட்டுள்ளது.
அப்படி நமது முன்னோர்களால் கடைப்பிடிக்கப்பட்ட நடைமுறைகளில் ஒன்று தான் திருமணமான பெண்கள் நெற்றியில் குங்குமம் வைத்துக்கொள்ள வேண்டும் என்பது.இதன் பின்னால் இருக்கும் அறிவியல் காரணங்கள் என்னென்ன என்பது குறித்து இந்த பதிவில் விரிவாக பார்க்கலாம்.
குங்குமம் தூய்மை, மங்களம் மற்றும் தெய்வீக ஆற்றலின் அடையாளமாகக் காணப்படுகிறது . இது வழிபாட்டில் ஆசீர்வாதங்களையும் பாதுகாப்பையும் வேண்டிப் பயன்படுத்தப்படுகிறது.
சில இந்து சமூகங்களில், சிவப்பு குங்குமம் அல்லது சிந்தூர் திருமணமான பெண்ணின் அந்தஸ்தின் காட்சி அடையாளமாகும். குங்குமம் பொதுவாக சடங்குகள், பண்டிகைகள் மற்றும் பிற மங்களகரமான சந்தர்ப்பங்களில் நிகழ்வின் புனிதத்தை அதிகரிக்கப் பயன்படுத்தப்படுகிறது.
மனித உடலில் தெய்வ சக்தி வாய்ந்தது நெற்றிக்கண்.அதனாலே தியானத்தில் நெற்றி பகுதி தூண்டபடுகிறது. இரண்டு புருவங்களுக்கு நடுவிலுள்ள பகுதி தான் நெற்றி பகுதி . இங்கு குங்குமத்தை வைத்துக்கொள்வதால், அமைதி கிடைக்கும்.
நெற்றியில் குங்குமம் வைப்பது உங்கள் உள்ளுணர்வை சிறிது உற்சாகப்படுத்துவது போன்றது. இது உங்கள் புருவங்களுக்கு இடையில் உள்ள அஜ்னா சக்கரம் எனப்படும் இந்த சிறப்பு ஆற்றல் மையத்தை செயல்படுத்துவதாக நம்பப்படுகிறது.
எனவே, பாரம்பரியத்தின் தொடுதலைச் சேர்ப்பதோடு மட்டுமல்லாமல், இது உங்கள் ஆன்மீகப் பக்கத்தைத் தூண்டுவதோடு, நேர்மறை அதிர்வுகளை கொடுக்கின்றது.
நெற்றியில் குங்குமம் இடுவதால் மூளைக்குச் செல்லும் நரம்புகள் அதிகமான உஷ்ணத்தை மூளைக்கு அனுப்பாமல் தடுக்க பெரிதும் துணைப்புரிகின்றது.
நெற்றியில் குங்குமம் வைத்துக்கொள்வதால், புதிய சிந்தனைகளும், உற்சாகமும் தோன்றும். உணர்ச்சியற்ற நரம்புகள் தூண்டப்படுகின்றன.
ஹார்மோன்கள் சீராக செயற்படுவதற்கு உதவுகின்றது. திருமணமான பெண்கள் நெற்றியில் குங்குமம் இடுவதுதால், கர்ப்பபை வலுபெறுவதாக முன்னோர்கள் குறிபிட்டுள்ளதுடன், அதனால் கருப்பை சார்ந்த பிரச்சினைகள் ஏற்படுவதும் தடுக்கப்படுகின்றது.அதனால் தான் குங்குமம் வைத்துக்கொள்ளும் வழக்கம் பின்பற்றப்படுகின்றது.
