நமது உடலில் முக்கியமான பகுதிகளில் ஒன்றாக இருப்பது தான் நகம்.
சிலர் நகத்திற்கு அலங்காரம் செய்து அதன் இயற்கையான தோற்றத்தை மாற்றிக் கொள்கிறார். இப்படி இருக்கும் நகங்களின் நிறத்தை வைத்து மனிதர்களுக்கு வரும் நோயை கண்டறியலாம் என மருத்துவர்கள் கூறுகிறார்கள்.
விரல் நகங்களில் காணப்படும் மாற்றங்கள், உடலில் எந்த விதமான பிரச்சனை உள்ளது என்பதை தெரியப்படுத்தும்.
அப்படி உங்கள் விரல் நகங்களில் திடீரென்று வித்தியாசம் உணர்ந்தால் அதை சாதாரணமாக எடுத்துக் கொள்ளாத உரிய மருத்துவரிடம் சென்று பரிசோதிக்க வேண்டும். ஏனெனில் விரல் நகங்களின் நிறங்களைக் கொண்டு உடலின் எந்த உறுப்பில் பிரச்சனை இருக்கிறது என்பதை இலகுவாக கண்டுபிடிக்கலாம்.
அந்த வகையில், நகங்களின் நிறத்தை வைத்து எப்படி நோயை கண்டறியலாம் என்பதை தொடர்ந்து பதிவில் பார்க்கலாம்.
1. நமது விரல் நகங்களின் க்யூட்டிகிளுக்கு அருகில் உள்ள பகுதி வெள்ளை நிறத்தில் இருந்து, நகங்களின் முனைப்பகுதி சிவப்பு நிறத்தில் இருந்தால் அது டெரிஸ் நெயில். இந்த நகம் இருப்பவர்களுக்கு கல்லீரல் அல்லது சிறுநீரகங்களில் பாதிப்பு இருக்கலாம். இந்த பாகங்களில் நோய் ஏற்பட்டிருந்தால் கேப்பில்லரி அட்ரோபி எனப்படும் இரத்தக்குழாய்கள் சேதமடைந்து நகங்களின் முனைப்பகுதியில் மட்டும் அதிக இரத்த ஓட்டத்தை அதிகப்படுத்தும்.
2. நகங்களில் கருமை நிற கோடுகள் அல்லது புள்ளிகள் இருப்பின், அது “சபெஞ்சுவல் மெலனோமா”என்னும் புற்றுநோயாக இருக்க வாய்ப்பு உள்ளது. ஏனெனின் புற்றுநோயை உண்டாக்கும் மெலனோசைட்டு செல்கள் நகங்களுக்கு அடியில் அதிக மெலனின் நிறமியை உற்பத்தி செய்து கருமை நிறத்தை உண்டு பண்ணும்.
3. நகங்கள் மஞ்சள் நிறத்தில் இருப்பவர்களுக்குமஞ்சள் காமாலை நோய் இருக்கலாம். பிலிரூபினின் நிறம் மஞ்சள் என்பதால் மஞ்சள் காமாலை நோயாளிகளின் இரத்தத்தில் இந்த பிலிரூபின் நகங்களுக்கு அடியில் அதிகம் தேங்கியிருக்கும். இது மஞ்சள் நிறத்தை அதிகமாக வெளியில் காட்டும்.
4. நகங்கள் சிவப்பு நிறத்தில் இருந்தால் அது எண்டோகார்டிடிஸ் போன்ற இதய வால்வுகளில் ஏற்படும் பிரச்சனையாக இருக்கலாம். ஏனென்றால் இரத்த அழுத்தம் அதிகரிக்கும் போது, அதிக இரத்தம் நகங்களுக்குள் அடைத்து நகங்களில் சிவப்பு நிற தோற்றத்தை கொடுக்கும்.
முக்கிய குறிப்பு
உங்கள் நகங்கள் பார்ப்பதற்கு வித்தியாசமாக இருந்தால், அதனை சாதாரணமாக எடுக்காமல் மருத்துவ பரிசோதனை செய்து கொள்ள வேண்டும். இது உங்கள் உடலில் ஆரோக்கியத்தை பாதுகாக்கும்.
