பிக்பாஸ் சீசன் 10 நிகழ்ச்சி 10 நாட்களை கடந்துள்ள நிலையில் இன்று வெளியான ப்ரோமோ ஆடியன்ஸை அதிர்ச்சி அடைய வைத்துள்ளது.

பிக்பாஸ் சீசன் 10 கடந்த செப்டம்பர் 6-ஆம் தேதி மாலை தொடங்கியது. தொடர்ந்து லீடர், ஹவுஸ்மேட்ஸ் என அனைத்து போட்டியாளர்களும் விறுவிறுப்பாக விளையாடி வருகின்றனர். எந்த சீசனிலும் இல்லாத ஒன்றாக மாமன்றம் போன்ற அமைப்பில் பிக்பாஸ் நடைபெறுகிறது. போட்டியாளர்கள் ஆளும் அணி மற்றும் எதிர் அணி என இரு அணிகளாகப் பிரிக்கப்பட்டு உள்ளனர். 

கடந்த வாரம் ஆளும் அணியின் தலைவராக ஷாதிகாவும், எதிர் அணியின் தலைவராக வினோத் பாபுவும் தேர்வு செய்யப்பட்டனர். நடிகர் பிளாக் பாண்டி உடல் நலக் குறைவால் 3-வது நாளே பிக்பாஸ் வீட்டை விட்டு வெளியேற்றப்பட்டார். இப்படி விறுவிறுப்பாக சென்று கொண்டிருக்கும் பிக்பாஸ் சீசன் 10 வீட்டில் காமன் மேனில் தேர்வு செய்யப்பட்ட மணிவண்னனும், பிரபல நடிகை ஆனந்தியும் அடுத்தடுத்து வைல்டு கார்ட் மூலம் உள்ளே வந்தனர். 

இப்படி இருக்கையில் இந்த வாரம் ஷாமா லீடராக தேர்வு செய்யப்பட்ட நிலையில், அன்சர் எதிர் அணி தலைவராக தேர்வு செய்யப்பட்டார். ஆனந்தி உள்ளே வந்ததும் பலரின் ஆட்டம் மாறி வருகிறது. வந்த முதல் நாளே ஆனந்திக்கும் லட்சுமி பிரியாவுக்கும் இடையே மோதல் வெடித்தது. தொடர்ந்து, இன்று வெளியான முதல் ப்ரோமோவில், பிக்பாஸ் டாஸ்க் ஒன்று கொடுத்துள்ளார். அப்போது ஒரு சீஸ் போன்ற பெட்டிக்குள் குனிந்து நின்று கொண்டிருந்த லட்சுமி பிரியா மீது ஆனந்தி ஏறினார்.

இதனால் கடுப்பான லட்சுமி பிரியா, ஆனந்தியை தள்ளி விட்டதில் அவருக்கு அடிப்பட்டு விட்டது. வலியில் கதறும் ஆனந்தியை ஹவுஸ்மேட்ஸ் தூக்கி செல்கிறார்கள். இத்துடன் இந்த ப்ரோமோ முடிவடைகிறது. இரண்டாவது ப்ரோமோவில், ஷமா தான் வெற்றி பெறுவதற்காக பல நூதன வழிகளை மேற்கொள்கிறார்.