தொகுப்பாளினியும், நடிகையுமான டிடி வெளியிட்டுள்ள புகைப்படம் இன்ஸ்டாவில் வைரலாகி வரும் நிலையில், ரசிகர்கள் அடுத்தடுத்து கேள்வி எழுப்பி வருகின்றனர்.

தொகுப்பாளினி டிடி

தமிழ் சின்னத்திரையில் பிரபல தொகுப்பாளினியாக வலம்வந்தவர் தான் டிடி. சிறுவயதில் பேசவே கஷ்டப்பட்ட டிடி இப்படியொரு தொகுப்பாளினியாக மாறுவார் என்று யாரும் எதிர்பார்த்திருக்க மாட்டார்கள்.

கலகலப்பான பேச்சால் பிரபல தொகுப்பாளினியாக வலம்வந்தவர், பின்பு படங்களில் சிறு சிறு கதாபாத்திரத்தில் நடிக்க தொடங்கினார்.

காஃபி வித் டிடி என்ற நிகழ்ச்சி தான் இவரை புகழின் உச்சத்திற்கு கொண்டு சென்றுள்ளது. இவர் தனது சிறுவயது நண்பராக ஸ்ரீகாந்த் என்பவரைக் காதலித்து கடந்த 2014ம் ஆண்டு திருமணம் செய்தார்.

ஆனால் இவரது திருமண வாழ்க்கை மகிழ்ச்சியாக அமையாத நிலையில், அவரை விவாகரத்து செய்து தனியாக வாழ்ந்து வருகின்றார்.

பின்பு உடல் அளவிலும் பல சிக்கல்களை சந்தித்து, அனைத்து பிரச்சனையிலிருந்தும் மீண்டு வந்த டிடி, தன்னம்பிக்கை, விடாமுயற்சிக்கு ஒரு சிறந்த உதாரணமாக இருக்கின்றார்.

வைரலாகும் புகைப்படம்

இந்நிலையில் டிடி அவ்வப்போது புகைப்படங்களை வெளியிட்டு வருகின்றார். தற்போதும் அவர் இன்ஸ்டாகிராமில் வெளியிட்டுள்ள புகைப்படம் ரசிகர்களை பிரமிப்பில் ஆழ்த்தியுள்ளது.

அதாவது முற்றிலும் பாரம்பரிய தோரணையில் தேவதை போன்று காணப்படுகின்றது. அவரது புடவையின் நிறம், நெக்லஸ், ஜிமிக்கி, வளையல் என அனைத்தையும் ஒரே நிறத்தில் தெரிவு செய்துள்ள நிலையில், ரசிகர்கள் தங்களது கருத்துக்களை பதிவிட்டு வருகின்றனர்.

அதாவது புடவையைக் குறித்தும், அவரது அழகைக் குறித்தும் பேசி வருகின்றனர். உங்களுக்கு வயசே ஆகாதா? கல்யாண வீட்டு பொண்ணு மாதிரி இருக்கீங்க என்று கருத்துக்களை பதிவிட்டு வருகின்றனர்.

சமீபத்தில் நடைபெற்ற டிரெயின் படத்தின் டீசர் மற்றும் ஆடியோ வெளியீட்டு விழாவினை மாகாபா-வுடன் இணைந்து தொகுத்து வழங்கியது குறிப்பிடத்தக்கது.